Pangangalaga sa Kalikasan ay Pagyamanin

landslide 

(May 23, 2012-Miyerkules- Script na sinulat ni Alih Anso para sa programang “Buhay –buhay ” (8:00-9:00 A.M) sa segment na “Gabay at Talakayang Pamapamilya”. Host –Nancy Lawan)

NANCY: “Kaibigan, napansin mo  sa ating bayan,  particular sa Barangay  Nuro, palagi na  tyong binabaha, kahit  kongting ulan lamang? Ang sabi nila dahil daw sa nasira na ang  ating kakahuyan  o mga punong kahoy, dahil silted na  o mababaw na ang  mga ilog.. at diyan sa umagang ito  ng  Miyerkules ang tatakayin ni Kaka Ali ay   Pangangalaga  sa Kalikasan ay Pagyamanin.

(Play- Intro- Gabay at Talakayang Pampamilya)

NANCY: Magandang umaga Kaka Alih.

KAKA ALIH : Magandang umaga din Nancy, Assallamu alaikum warahmatulahi wabarakatuh, sa lahat.. ang  kapayapaan nawa ay sasaatin…

Napansin  mo ba Kapatid na Nancy, na nitong mga huling ilang taon na lumipas ay kaliwa't kanan na ang ginagawang impormasyon o  advocasiya  tungkol sa pag-init ng mundo.

Bagamat iba't ibang istilo o paraan ngunit iisang layunin, ito'y upang maintindihan o mamulat ang mamamayan sa katotohanang unti-unti nang nanganganib ang kalikasan maging ang sangkatauhan.

Ang ating goberno pati na na ang mga “environmentalist groups” ay  sadyang pinaglalaanan ng panahon, pinopondohan ng pera, at di-matawarang serbisyo upang maging matagumpay ang lahat. Subalit, ang tanong natin ay  naging matagumpay nga ba? Tumigil na kaya ang iilan sa walang pakundangang pang-aabuso sa likas na yaman?

NANCY: Marami pa ang hindi nakikinig sa panawagan, Kaka Alih

KAKA ALIH: O baka naman wala ng pandinig.. dahil never mind..(LAUGHING)

Alam mo  Kapatid na Nancy, napakasarap daw namnamin ang tagumpay, lalo na kung ang dulot nito'y para sa ikabubuti ng lahat. Subalit gusto  ko  lang ipaalala sa mga kapatid na nagsisikap na ipaunawa sa madla, tulad ni  Nancy, tulad natin membro  ng media na: bago mo makamit ito, kailangan mo munang makipaglaban,  at sa iyong pakikipaglaban, kailangan mo ng mga sandata upang di matinag o masaling man lang ng mga kalaban.

Anong mga sandata ang kailangan? Lakas, estratehiya, prinsipyo, gawa...yan ang iyong mga kailangan.

Kung wala kang lakas, hindi mo magagawa ang mga estratehiyang naaayon sa 'yong prinsipyo. Kung wala kang estratehiya, gawin mo man ang naaayon sa iyong prinsipyo nang buong lakas ay kulang pa rin. Kung ang prinsipyo mo'y kayang tinagin, ano pa ang halaga ng mga gawaing iyong nasimulan  na sadyang pinaglaanan ng estratehiya't lakas? Kung wala ka namang balak gawin ang tungkol sa bagay na sa tingin mo'y nakabubuti para sa nakararami, anong prinsipyo meron ka na kailangang paglaanan ng lakas at estratehiya?

Kinakailangan ang   pagkakaisa para sa pangangalaga ng kalikasan.  Kailangan natin  Kapatid ang prinsipyo, lakas, estratehiya, at tunay na serbisyo. Kailangan nbatin dito  ang tunay na  layunin, sa isip sa salita at sa gawa.

NANCY: Tama KA diyan Kaka Alih!

KAKA ALIH: alm  mo  Kapatid na Nancy, kahit sino ay    kayang gawing makiisa, lalo na kung tutulungan ng mga taong higit na may alam. Subalit, may mga katanungan  sa atin na  gusto  ko ding itanong sa  kapatid na  nakikinig,  sa iyo, ang tanong ay:  nasubukan  mo na ba ang sarili mo sa sitwasyong kinasasangkutan ng iilan nating mahihirap na kababayang kabilang sa mga taong sumisira sa kalikasan?

Naranasan mo bang pumunta sa paaralan nang walang agahan at tanghalian...na swerte na lang na mapunan ang sikmurang kumakalam kahit katiting na pagkain sa panahon ng hapunan?

Naranasan mo bang makiusap sa kapatid na nagkandahirap pumutol ng puno sa kagubatan nang sa gayon ay magkaroon ng  perang pambili ng pantawid-gutom? 

Kapatid palaging  alalahanin na ang tao ay bahagi ng kalikasan. Kung ang kalikasan ay gugustuhin nating pangalagaan, isama na rin nating isalba ang ating mga kababayang nakakagawa ng pagsira sa ating kalikasan dala ng kahirapan.

Huwag maging sakim sa pera't kaalaman, di  natin ibahagi  an gating  mga  oras, bakit di  natin gastusin ang ilang barya na ipinagkaloob sa ating Poong Lumikha.

Aanhin pa ang mga yaman na ito  kung ang mundo'y maglalaho, di  ba ang  lahat  ay mapupunta sa kawalan. Lahat tayo ay nawalan.

Kapatid, subukan  nating suportahan ang kamapaniya n gating local na pamahalaan  ng Upi sa pangangalaga sa ating  kalikasan.

Alamin  at ipatupad ang batas tungkol sa pangangalaga sa basura  o ORDINANCE NO. 003 Series of 2007 “A COMPREHENSIVE ECOLOGICAL SOLID WASTE MANAGEMENT ORDINANCE  OF THE MUNICIPALITY OF UPI AS AMENDED”.

Nasabi  sa nasabing  batas na bawal na ang pagsusunog ng basura, bawal na pagtatapon  ng basura kong  saan-saan, kinailangan na apaghihiwalay sa nabubulok at hindi  nabubulok.

Para sa mga magulang at mga guro, gawin nating halimbawa o modelo ang ating sarili, sa pagsunod sa isinasaad ng  batas na  ito.

Pansamantala, hanggang dito  na lang muna  sa umagang  ito ang pagtalakay, sa susunod na  Miyerkules, muli tayong tatalakay sa pangangalaga sa ating kalikasan na  unti-unti  ng nasisira,  dahil sa kapabayaan ng tao.

Sukran Wassallamu Alaikum warahamatullahi wabarakatuh.

NANCY: Maraming  salamat Kaka, mga kapatid  ituro,  ipakita din natin  sa ating  mga anak,  kong  papaano  ang pangangalaga sa ating kalikasan,  kayo rin  baka bukas ay kayo naman  ang maging  biktima ng galit ng kalikasan..

(PLAY-EXTRO- GABAY AT TALAKAYANG PAMPAMILYA)

Note: ang article na ito ay na-ipost na sa blog na DXUP.MULTIPLY.COM (dated May 23, 2012) at dahil nagsara na ang Multiply, ay minabuti naming ipost muli sa bago nating  blog: DXUP Teleradyo..(from admin: Alih Anso)