Laitul Qadr (Gabi ng Kapangyarihan) Muling Ipinagdiwang sa Upi

Kagawad hadji  Guiamel Abutazil mula sa LGu Upi

Laitul Qadr (Gabi ng Kapangyarihan) Muling Ipinagdiwang sa Upi

Balita ni: Alih S. Anso

Nuro, Upi (Agosto  16, 2012) Nitong gabi  ng 27 ng  Ramadhan (15 Agosto)  ay ipinagdiwang ng mga Muslim ( Nanampalataya sa Islam) ng  Upi ang Lailatul Qa'dr (Ang gabi ng  Kapangyarihan) na ginanap  sa social hall ng Upi Agricultural School.

Ang mga   dumalo ay nagmumula sa 29 na Masjeed ng  Upi, mga Muslim na  estudyante ng Upi Agricultural School,  Notre Dame of Upi, Saint Francis High  School at Nuro Central Elementary School.

Pinangunahan ni Engr. Sukrano Datukan, pinuno ng Upi  Muslim Consultative Assembly (UMCA) ang pagdiriwang.

Ustadz Anwar Ameril habang nagbabasa ng Qur'an

Naging panauhin si Kagawad Hadji Guiamel Abutazil na siyang kinatawan ni Mayor Ramon Piang.

Ang pagdiriwang ay nagsimula ika siyam ng gabi sa paamamagitan ng pagbabasa ng Banal na aklat na Qur’an  na sinundan pagpapahayag ng kahalagaan ng  Laitul  Qad’r. pagbabasa ng Quran, at ang pinaka mahalaga na gawain ay ang pag-sambayang ng Tahajjud at nagtapos ang program sa pagsambayang ng Fajar (madaling araw na pagdarasal).

ang mga mga dumalo

Ustadz Ahmad Mamalangkas 

 UMCA  chairman-Engr Sukraano B.  Datukan

Ustadz Esmael Haron-Chairman of the affair

Ayon kay Ustadz Ahmad Mamalangkas,  membro ng mayor council,  na  ang isang  gabi na pagdarasal sa gabi ng mga araw na ipinagdiriwang  ang Laitul  Qadr ay   katumbas ng isang-libong (1000) buwan, dahil   sinabi ng Allah:

“Katotohanang Aming ipinanaog ang Qur’an sa Gaabi  ng Al Qadr(Kapasiyahan). At paano  momapag-aalaman kung ano ang Gabi ng Al Qadr? Ang Gabing Qadr (Kapasiyahan) ay higit na mainamsa isang libong buwan (alalaong bagaa, ang paagsambaa kay Allah sa Gabing ito at higit sa mainam kaysa sa pagsamba sa Kanya sa isang libong buwan o katumbas ng 83 taon at apat na buwan).(Soorah Al-Qadr: 1-3)

Ang mga Muslim ay naniniwala din sa sinabi ng Propeta Muhammad: “Sinuman ang mag-ayuno sa Ramadhaan na nananampalataya at umaasa sa gantimpala pinatawad ang kanyang mga kasalanan na nagawa. Sinumang magsalaah (ng boluntaryong salaah) sa gabi ng Ramadhaan na nananampalataya at umaasa sa gantimpala pinatawad ang kanyang mga kasalanan na nagawa. Sinumang magtaguyod ng (boluntaryong) Salaah sa gabi ng Laylatul Qadr na nananampalataya at umaasa sa gantimpala pinatawad ang kanyang mga kasalanan na nagawa.” (Iniulat nina Imaam Bukhaaree at Muslim.)

Ang laitul Qadr. ay ipinagdiriwang ng  mga Muslim sa Buong mundo sa 25, 27, 29 ng Buwan ng Ramadhan.