Islamic Symposium at Lailatul Qad’r o Gabi ng Kapasiyahan Ipinagdiwang ng Taga Upi

Nuro, Upi (Hulyo 11,  2015) …Nitong gabi  ng Sabado ika 25  ng  Ramadhan na gregorian calendar ay ika 11 ng Hulyo, ay nagsagawa ng Islamic symposium at kasabay   ay ang ipagdiriwang  ng   Lailatul Qa'dr o “Ang gabi ng  Kapasiyahan”   na ginanap  sa social hall ng Upi Agricultural School.

Ayon kay Ustadz Julqarnain ay: "Ang isang  gabi na pagdarasal sa gabi ng mga araw na ipinagdiriwang  ang Laitul  Qadr ay   katumbas ng isang-libong (1000) buwan, dahil   sinabi ng Allah: “Katotohanang Aming ipinanaog ang Qur’an sa Gaabi  ng Al Qadr (Kapasiyahan). At paano  mo mapag-aalaman kung ano ang Gabi ng Al Qadr? Ang Gabing Qadr (Kapasiyahan) ay higit na mainam sa isang libong buwan (alalaong baga, ang paagsambaa kay Allah sa Gabing ito at higit sa mainam kaysa sa pagsamba sa Kanya sa isang libong buwan o katumbas ng 83 taon at apat na buwan). (Soorah Al-Qadr: 1-3)

Ang mga Muslim ay naniniwala din sa sinabi ng Propeta Muhammad: “Sinuman ang mag-ayuno sa Ramadhaan na nananampalataya at umaasa sa gantimpala pinatawad ang kanyang mga kasalanan na nagawa. Sinumang magsalaah (ng boluntaryong salaah) sa gabi ng Ramadhaan na nananampalataya at umaasa sa gantimpala pinatawad ang kanyang mga kasalanan na nagawa. Sinumang magtaguyod ng (boluntaryong) Salaah sa gabi ng Laylatul Qadr na nananampalataya at umaasa sa gantimpala pinatawad ang kanyang mga kasalanan na nagawa.” (Iniulat nina Imaam Bukhare at Muslim.)

Fatima Lidasan vice president ng MWF

Ang programa ay sponsor ng Muslim Youth Fellowship (MYF) sa pakikipagtulungan sa Upi Muslim Consultative Assembly at ng Lokal na Pamahalaan ng Upi.

Ang laitul Qadr. ay ipinagdiriwang ng  mga Muslim sa buong mundo sa tuwing ika  25, 27, o 29 sa buwan ng Ramadhan.

Ang programa  ay nagsimula ganap na ika siyam ng gabi sa pamamagitan ng pagbabasa ng Banal na aklat ang Qur’an  at  pagpapahayag ng kahalagaan ng  Lailatul  Qad’r.

Naging panauhing tagapagsalita si Atty. Rolando “Anwar” Chew, na dating nanampalataya sa Kristiyanismo na simula noong taong 2007 ay Nanampataya na sa relihiyong Islam.

Naging special na bisita naman  ang mga international Qarie o bihasang mambabasa ng Quran, na pawang nagpamalas ng pagbabasa ng Quran,   na sina Al Qarie Ebrahim Duli at Al Qarie Mohammad Taha Kagi,

Ang pagbabasa ng Quran, at ang pinaka mahalaga na ginawa ay ang pag-sambayang ng Tahajjud o pagsambayang sa kalalim ng gabi at nagtapos ang program sa pagsambayang ng Fajar o bukang liwayway  na pagdarasal.

Mga membro ng MYF  na  estudyante ng Upi Agricultural School,  Notre Dame of Upi, Saint Francis High  School at Nuro Central Elementary School. May dumalo din mula sa mga Jamaah o congregation mula sa mga ibat-ibang Masgit sa Upi.

Nagbigay din ng kanyang inspirational na mensahe si   Engr. Sukarno Datukan, UAS-PTIA school administrator at  pinuno ng Upi  Muslim Consultative Assembly (UMCA) ang pagdiriwang.

Dumalo din si Muncipal Kagawad Norodin Musa,    na siya ring kinatawan ni Mayor Ramon Piang.

(Balita ni: Alih S. Anso)