Epekto sa Pamilya ng Maraming Anak – PART 2

Epekto sa Pamilya ng Maraming Anak – PART 2

(October 4, 2013-Biyernes - Script na sinulat ni Alih Anso para sa programang “Buhay –buhay  ” (8:00-9:00 A.M) sa segment na “Gabay Kalusugan at Talakayang Pampamilya”. Host Lucy Duce)

LUCY:  “Ano ba ang epekto ng maraming anak sa PAMILYA?  Iyan ang aming katanungan ni Kaka Alih, na dapat ninyong  sagutin at kanya rin sasagutin para sa ating segment na  “Gabay Kalusugan at Talakayang Pampamilya”.

( INTRO - Gabay Kalusugan at Talakayang Pampamilya )

Larawan ng maraming pamilya

LUCY:  : Magandang Umaga,  Kaka Alih,

Kaka Alih: Magandang umaga din Lucy , Assallamu alaikum Warahamatullahi Wabarakatuh. 

LUCY:  Mata nong  nga pala kita  ilan ba ang anak ninyo ng Mrs mo?

KAKA ALIH:  Ako? Sa isang ina,? ……ay apat lang  naman Lucy, (LAUGHING).. Tatlong babae at isang lalaki lang naman.

LUCY:  Bakit ilan pala ang nanay ng mga bata? (LAUGHING)

Konting bilang ng pamilya

Kaka Alih: Isa lang naman,… subalit bilang Muslim, gusto kong linawin sa iyo na  pwede akong makapag-asawa ng apat, dahil ito ay pinapayagan ng katuruan ng Islam.  

Nabanggit natin ang pag-aasawa ng mahigit sa isa, na pwede hanggang apat, ay gusto itong ipaliwanag sa mga madalang nakikinig na Muslim at hindi Muslim, para hindi tayo magiging bias sa ating mga kapatid na naniniwala sa Islam.  

Ang totoo nito Lucy, ang Islam ay hindi nag-uutos na ang lalaking Muslim ay nararapat na mag-asawa nang higit sa isa.

Ang pinahihintulutan lamang ng Islam ang pag-aasawa ng isa hanggang apat upang matugunan at bigyang kalutasan ang mga hinaharap na suliranin ng ating lipunan o society.

Na may nagsasabi na kinukulang daw kaming mga lalaki, ibig sabihin lalong darami daw ang babae kaysa lalaki. Sabagay parang nagkakatotoo na ito. Lalaki na nga siya, nagpakababae pa. (LAUGHING)

May nabasa ako Lucy na sinabi ng  Propeta Muhammad (SAW)   na ang isa sa mga tanda ng araw ng paghuhukom ay ang pagdami ng kababaihan,  na aabot pa sa   50 ang babae ang dapat    babalikatin sa iisang lalake.

Serious tayo ng kaunti Lucy,  bigay tayo ng   halimbawa, kong pwedeng mag-asawa ang lalaki ng pangalawa… ang pagkakaroon ng matagal na kapansanan o sakit ng isang babae. Sanhi ng kanyang kalagayan, hindi siya maaaring magkaanak. Likas sa tao na babae man o lalaki  ang mangarap na magkaroon ng sariling anak.

At walang ibang lunas ito maliban sa pag-aasawa sapagka't ipinagbabawal ng Islam  ang pagkakaroon ng   kabit o kalaguyo o anumang pagtatalik na labas sa sagradong kasal.

Itinuturing ng Islam na malaking kasalanan ang pangangalunya at pakikiapid. Gayun din naman, ang lalaki ay maaaring mag-asawang muli kung may kapansanan ang babae at hindi niya mabigyan ng pangangailangang sekswal ang kanyang asawa.

Ito ang palaging isaisip at dapat paniwalaan ng mga Muslim. Ang pag-aasawa sa Islam ay isang tungkulin, kaya naman isang kasalanan sa isang Muslim na pabayaan ang kanyang mga pamilya. Kung ang isang Muslim ay nag-asawa ng higit sa isa, hindi nangangahulugan na dapat niyang iwan ang isa, at  pakisamahan lamang ang pangalawa. Ang makatarungan at pantay na pakikipag-ugnayan ay ipinag-uutos ng Islam.

“Ang sinumang nagtakda sa sarili ng di-pag-aasawa ay hindi nabibilang sa atin (Sambayanang Muslim)... magkagayo’y mag-asawa sa kababaihang inyong napupusuan, dalawa, tatlo o apat. Subali’t kung kayo’y natatakot (o nag-aalala) na hindi ninyo sila kayang pakitunguhan nang (pantay o) may katarungan, magkagayo’y mag-asawa ng isa lamang.” [Surah An-Nisa’, 4:3]

Si Propeta Muhammad (SAW)  ay nagsabi:

“Ang pag-aasawa ay kalahati ng panananpalataya, kaya’t maging matakot sa Allah sa natitirang kalahati.   Ang pundasyon ng matatag na lipunan ay ang matatag na pamilya.  Ang pag-aasawa ay isang paraan upang mapanatiling malinis at matatag ang pamilya at lipunan.  Kaya naman, sa Islam ay binibigyan diin ang pag-aasawa lalo na sa mga kalalakihang umabot na sa pagbibinata.”

Ito pa ang tandaan natin na ang pag-aasawa sa Islam ay hindi sacramento kundi isang kontrata.   Kasunduan na hindi salungat sa turo ng Islam. Ang karapatan ng babae ay pinangangalagaan.   Ang kanyang apelyido ay mananatili.  Ang kanyang yaman ay mananatili sa kanya lamang.    Ang kanyang kinikita habang may-asawa ay kanya lamang.

LUCY:   Matanong ko  Kaka Ali, Ano nga ba ang epekto sa pamilyang Pilipino ng maraming anak?

Kaka Alih:“ Dalawa lang epekto niyan, negative at positive… (LAUGHING)

Ok  Lucy sagutin natin ang tanong mo na  “Ano nga ba ang epekto sa pamilyang Pilipino ng maraming anak?”  At of course sasagutin ko ng with comparison … ibibigay ko ang positive at negative effect sa pamilyang Pilipino.

Unang epekto, positive daw? Heto my friend, kong kakandidato ka  sa barangay election.. maraming boboto sa iyo,  dahil marami kang anak…subalit may negative effect naman ito, ano yun?  Pare….sigorado kong bata pa ay lusyang na si Mrs.  (PLAY LAUGHING).. akala ko gusto mong ng bata? (PLAY LAUGHING)..

Heto pa ang isang positive/negative na epekto ng maraming anak, kong marami kang anak.. marami kang mauutusan. (PLAY LAUGHING)... but may negative din ito my friend, ang hirap lang nito marami ka ring pakakainin…(PLAY LAUGHING).. baka wala ka ng makain kong hindi ka masipag magtrabaho sa bukid, dahil masipag ka lang kay Mrs.. (PLAY LAUGHING).

 Yes pagkain ang problem sa maraming membro ng pamilya at pag kulang ang pagkain.. tiyak malnourished ang ating anak.

Alam mo ang ibig sabihin ng malnourished Lucy?

LUCY:  Simple lang ang sagot ko diyan Kaka, kulang sa nutrition  o kulang sa pagkain,  kaya payat ang bata.

Kaka Alih:“ Tama ka diyan Lucy, pero iba naman ang  sinasabi  ng kumpare natin:

 “Kaka Alih, maganda ang maraming anak, provided, kong kaya mo silang palakihin..kong  kaya mo silang papag-aralin, kong kaya mo silang  pakainin at damitan.. ang hirap lang niyan umaayaw na si Mrs.. ay kinukulit mo pa rin. .. di lang makatanggi sa pangangalabit mo dahil… nakikiliti din  (PLAY LAUGHING) este hindi dahal mahal ka din niya…”

Tama ka diyan pare.. may points ka.!!! (PLAY LAUGHING)

Sabi naman ng  isang nanay: “Kaka Ali, Bibihira ang nagiging maganda ang epekto ng maraming anak,  dahil ang naobserb ko, karamihan  sa maraming anak na kamagnak ko ay naghihirap ang pamilya at bibihira ang nakakatapos sa kanilang mga anak.”

Sabagay Mads, napansin ko din yan.

LUCY:  Napansin ko din yan Kaka, pero hindi naman lahat ng maraming anak ay naghihirap o naghihikahos.

KAKA ALIH: In every rules there is exception Lucy. (PLAY LAUGHING). Buweno pakinggan naman natin ang   kuwento ni Pare.

 “…    kong ako lang ang tatanungin Kaka , kong ako lang masusunod.. kong kaya ko lang sanang pigilin.. ang pang-gigil (PLAY LAUGHING) kay Mrs.. every 2 to 3 years bago masundan si Bunso.. kasi ako sa totoo lang pangarap ko ding makapagtapos at di magutom ang aking pamilya, hindi ko kasi alam papaano pipigilin ang pagbubuntis ni Mrs.. na hindi naming ititigil ung ganoon.. (ang alin?) basta ung umiikot ang iyong mata sa sarap.. “                                                                                                                                                                  (PLAY LAUGHING)

May kasagutan din akong nabasa  sa facebook: “…na Sabi nila mas masaya daw pag marami ang anak o malaking pamilya. Oo, kung ang pamilya ay nakaka-angat sa buhay at maibibigay lahat ng pangangailangan ng mga anak at ng buong pamilya. Pero sa mga hirap sa buhay, mahalaga ang pagkakaroon ng maliit na pamilya. Isa o dalawang anak ay tama na.”

Agree ako sa idea nay an, talagang  maraming pangangailangan ang bawat anak,  tulad halimbawa  ng magandang edukasyon,  sapat na pagkain, maayos na kagamitan at marami pang iba.

Pag-aasikaso, pagmamahal at panahon ng magulang ay importante din sa pamilya.

Kung hirap sa buhay, natural lamang na maghihirap ang magulang sa  magtrabaho at kumita ng pera lalo pa kung maraming anak ang dapat sustentuhan.

LUCY:  Tama  ka Kaka Alih,  kung isa o dalawa lamang ang anak, kahit papaano ay masusustentuhan sila ng sapat.

KAKA ALIH: Agree din ako diyan Lucy, kaya mga   pare ko.. mga mare ko.. makinig… para di na tayo  magtatalo dito sa radio, heto ang gagawin ninyo… pumunta kayo sa pinaka malapit na health center at bisitahin ang inyong rural health midwife at ikunsulta ang inyong problema.. kong taga   Nuro po kayo, pumunta ka sa health center.. andiyan lang sa tabi ng highway kalapit ng ating barangay hall.. kong mahiya ka… hanapin si Maam Jackie Gamit at ibulong ang iyong problema.. sure ako.. matutulungan ka pare ko… (PLAY LAUGHING)

Bweno hanggang dito na lang muna ang tsismis,  dahil pupunta pa ako sa health center..       ... This is your    segment writer and producer.. at your service ….   Kaka Alih. Sukran and Wassallam.

(EXTRO - Gabay Kalusugan at Talakayang Pampamilya)

LUCY:  Maraming salamat Kaka Alih, sa magandang talakayan ngayong umaga, mga kapatid na nakikinig,   hanggang sa muli,    samahan kami sa ating programang Gabay kalusugan at Talakayang Pampamilya at sinisigorado  ko  inyo, muli  kayong hahandogan  ni  Kaka Alih ng nakaka-aliw at informative na usapin…