Gusto mo pa Bang Humaba ang inyong Buhay?

Gusto mo pa Bang Humaba ang inyong Buhay?

Tug of war a good exercise a Filipino sports

(July 12, 2012 Huwebes - Script na sinulat ni Alih Anso para sa programang “Buhay –buhay  ” (8:00-9:00 A.M) sa segment na “Gabay at Talakayang Pampamilya”. Host –Noralyn Bilual)

Host/ Noralyn:  “Gusto mo pa bang humaba ang inyong buhay kaibigan?  If yes ang sagot mo, samahan ninyo kami with  Kaka Alih sa ating segment ngayon na   Gabay at Talakayang Pampamilya, dahil ang tatalakayin niya ay itong Gabay sa pagpapahaba ng buhay ng tao…

 (PLAY INTRO- Gabay at Talakayang Pampamilya)

Host/ Noralyn:  Magandang umaga Kaka Alih,

Kaka Alih:  Magandang umaga naman Nor, Assallamu alaikum WW…

Ang tanong mo kanina ay sino Gusto   pang humaba ang kanilang  buhay?  Ang tanong ko mayroon ba?

Host/ Noralyn:  syempre naman Kaka Alih, lahat tayo  gusto  natin humaba ang buhay…maliban sigoro sa may  mabigat na  problema, ay gustong tapusin na ang buhay, pero mali pa  rin  yun.. pero ang tanong ko Kaka may paraan ba para humaba ang buhay ng tao?

Kaka Alih:  Of course maraming paraan, ang una ninyong gawin ngayon ay volume ang radio at of course pay attention sa pakikinig kay Kaka Alih.   (LAUGHING)

Sino ba naman ang ayaw na humaba ang buhay,  halos lahat ng  may matinong  pag-iisip ay gustong humaba ang buhay,  BAKIT ikaw kaibigan, ayaw mo ba? gusto mo rin  bang humaba ang inyong buhay?  Of course alam  ko gusto  mo rin kaibigan.maliban na  lang daw yaong may problema, ang mga ganitong tao kong minsan sinasabi  nila na gusto  na na nilang matapos ang lahat….ng problema…(LAUGHING)

At dahil alam ko  ang lahat ng nakikinig ay gustong humaba ang buhay aymuli nating tinunghayan ang mga   aklat na pinadala ni Dok Willie Ong.

Heto na kaibigan makinig,   mula sa   aklat  ni Dok Willie hindi Willie Revillame,  na “Sakit sa puso, diabetes at tamang pagkain'  na og course ang may akda ay si   Dr. Willie T. Ong at na-published din ito sa (Pilipino Star Ngayon:

1)      Kumain ng almusal araw-araw. Ang gulay, sardinas, kanin, gatas, itlog at prutas ay masustansyang almusal.

2)      Kumain ng pagkaing may tomato sauce (ketsap at spaghetti sauce) at uminom ng green tea. Panlaban ito sa maraming klaseng  kanser.

3)      Kumain ng maberdeng gulay at mga prutas, tulad ng mansanas, saging at pakwan. Fresh o  hindi luto, pwedeng alternatibo..

4)      Huwag sosobrahan ang kahit anong pagkain. Huwag magpakabusog. Katamtaman lamang ang kainin. Sa Islam divide ng tatlo ang lalaagyan  ng pagkain o tiyan, isang bahagi ay pagkain, ang pangalwa ay tubig at pangatlo ay bakante, ang niyat o intention ay para sa mga taong walang makain, ilalaan ang mga pagikain  na yaon..

5)      Mag-asawa o magkaroon ng kasama sa buhay – Mas mahaba ang buhay ng mga may asawa kumpara sa mga nag-iisa.

6)      Tumawa ng 15 minutos bawat araw. Laughter is the best medicine. A..na  na na.. makinig kaya Kaka Alih sa Udto na Di…(LAUGHING)

7)      Magkaroon ng mabait na kaibigan. Makatutulong siya sa pagtanggal ng stress sa buhay.

8)      Makipag-sex (sa iyong asawa o permanenteng partner) ng mas madalas. Kontrobersyal itong payo pero napatunayang may katotohanan. Ang pa­­kikipag-sex ay isang uri ng ehersisyo at naka­ba­bawas din sa stress.”Ang problema Kaka Wala akong asawa”, ang sagot ko ay mag-asawa ka na. (LAUGHING)

9)      Umiwas sa bisyo at peligro. Kaya ihinto mo  na kaibigan ang paninigarilyo, bukod sa kalusugan mo haraam ang sigarilyo sa Islam.

10)  Matulog ng 7-8 oras bawat araw. Ibig sabihin nito matulog ng 9 ng gabi, magising ng alas kuwatro ng umaga.

11)  Mag-ehersisyo.

12)  Inumin lang ang tamang gamot. Itanong muna sa doktor bago umi­nom ng kahit anong gamot o supplement. Mas ma­inam na magtanong sa 2 doktor para makasiguro na tama ang iyong iniinom.

13)  Umiwas sa araw, usok, alikabok at iba pang polusyon sa lansangan. Kaya naman ang mga sasakyan ay pinapayuhan na ipa check  ang  kanilang mga makina regularly. At kaya naman pinapayo ngmga Doctor na  umiwas sa paputok dahil sa usok nito.

14)  Mamuhay lamang ayon sa iyong kakayahan. Umiwas sa pagkabaon sa utang.Syempre pag lagging stress madali kayong tatanda niyan.

15)  Huwag mag-retiro. Sa trabaho, sa pinagtrabahunan pwwede kayong magretiro lalo na  yaong may milyones na makuha.    Laging ituloy lang ang iyong trabaho.

Ito ang inyong kapatid   na Bangsamoro, ang inyong kapatid na  gusto  ding humaba ang  buhay, ito po ang inyong Kaka  Ali ang  inyong segment writer sa Gabay at Talakayang Pampamilya..   Wassallamu Alaikum Warahmatullahi Wabarakatuh.

Noralyn: Maraming salamat Kaka, sa napakagandang  kaalaman na  yan, na iyong ibinahagi, kaya  mga giliw naming tagapakinig, sa DXUP Teleradyo, muling  abangan  ang segment   na Gabay at Talakayang Pampamilya, dahil tiyak marami pa kayong mapupulot na aral at impormasyon, lalo na sa ating nakaka na kapatid si Kaka Alih..

 (PLAY-EXTRO- GABAY AT TALAKAYANG PAMPAMILYA)

Note: ang article na ito ay na-ipost na sa blog na DXUP.MULTIPLY.COM (dated Hulyo 12, 2012) at dahil nagsara na ang Multiply, ay minabuti naming ipost muli sa bago nating  blog: DXUP Teleradyo..(from admin: Alih Anso)