Martes, Hunyo 4, 2013

LGU Upi Magtatalaga ng Focal person sa PCA

Balita ni Alih S. Anso



LGU Upi Officials & PCA representatives visited the
area located in UAS-PTIA. 


June 12, 2012 (Nuro, Upi)…Dahil sa magandang pagpapaliwanag ng mga kinatawan  ng Philippine Coconut Authority (PCA) sa mga Official ng Upi sa pangunguna ni Mayor Ramon Piang,  ang  LGU Upi ay magtatalaga ng focal person para tutukan ang pagtatanim  ng niyog sa Upi.

Alih Anso habang kinukunan ng larawan ang niyog na dwarf
Agad namang  tinanggap ng PCA  ang itatalaga ng LGU Upi.

Pinahayag naman  ni Carlos Carpio ang  deputy  Administrator ng Philippine Coconut Authority na pormal nilang  mamamahagi  ng coconut seedling sa mga katutubong Teduray nitong August 19 sa anibersaryo  ng Upi Agricultural School.

Ang mga variety ng niyog na itatanim ay Aromatic Green

Dwarf (AROD),  Tacunan Green Dwarf (TACD)  at iba pang  variety na  namumunga pagsapit ng tatlo o apat na  taon. 

Ang niyog ay karaniwang ginagawang copra,  subalit nitong mga huli panahon  ay maraming nadiskubre na pakinabang ng produkto ng  niyog.

Engr Sukarno b. Datukan, UAS-PTIA Administrator
Ayon sa PCA website http://www.pca.da.gov.ph/: “Ang Industriya ng Niyog sa Pilipinas ay isa sa pangunahin at mahalagang "agri-based industries" na tumutulong sa pagpapaunlad ng ekonomiya ng bansa.

Ang niyog ay ang siyang pangunahing "agricultural crop" ng higit kumulang na 69 na lalawigan sa bansa . Ito din ay isa sa panguna- hing "foreign exchange earners." Sa huling limang taon (2005-2010), ito ay nakapagtala ng mahigit kumulang isang bilyong dolyar na kita para sa bansa.


Mahigit kumkulang na 3.5 milyong magsasaka at 24 milyong mga Pilipino ang umaasa sa industrya ng Niyog.”

Una ng naulat  na ang  Pangulong Benigno Aquino III  na  muling pasisiglahin ang industriya ng Niyog sa buko  juice, at   gawing pangunahing inumin dahil ito  ay napatunayan na  makakapagbigay sigla o lakas sa katawan ng tao.

Ayon sa ating Pangulo, dalawang kompanya sa Estados Unidos ay nagbabalak na mamuhunan sa buko juice   para matugunan ang pandaigdigang supply o pangangailangan nito. Maging ang ating Pangulo ay nananabik sa magiging bunga ng programa na magdudulot ng magandang pag-unlad sa ibat-ibang panig ng pilipinas.

Ang pag-inom buko juice ay mabilis na lumalaganap sa Estados Unidos dahil ito ay masustansiyang inumin na hindi nakakasira ng kalikasan at magiging isang bagong likas na inumin ng mga manglalaro sa Estados Unidos at makakapag-bigay ng milyon dolyar na kita sa industriya ng niyog. (Alih  S. Anso)


Note: ang article na ito ay na-ipost na sa blog na DXUP.MULTIPLY.COM (dated Hunyo 12, 2012) at dahil nagsara na ang Multiply, ay minabuti naming ipost muli sa bago nating  blog: DXUP Teleradyo..(from admin: Alih Anso)

Walang komento:

Mag-post ng isang Komento