MILF Nagbigay ng Update sa 10 point agreement ng GPH-MILF sa mga Kabataan

Nuro, Upi (May 20) ..Nagbigay ng update tungkol sa 10 point agreement ng GPH-MILF nitong araw ng Linggo ang  Moro Islamic Liberation Front (MILF) sa mga miyembro ng Alyansa ng Kabataang Mindanao Para sa Kapayapaan  (AKMK) sa isinagawang forum na kabahagi  ng limang araw na 7th Mindanao Summer Youth Peace Camp sa Upi Agricultural School.

Ipinaliwanag ni Samin Unti, kumatawan kay MILF Peace panel Chairman Mohagher Iqbal, ang nilalaman ng nilagdaang 10-point agreement sa pagitan ng Government of the Philippines at Moro Islamic Liberation Front (GPH-MILF) sa ginanap na 27th Exploratory Talks sa Kuala Lumpur, Malaysia nitong Abril 24, 2012.

Samin Unti, kumatawan kay MILF Peace panel Chairman Mohagher Iqbal, 

Sa open forum ay tinanong ng mga kabataang Indigenous People (IP's),  si Unti kung kasama ba sa usapin ang mga adhikain   ng mga katutubong Mamayan o IPs ng Mindanao.  

Paliwanag ni Unti, “Kasama sa usaping ito  ang lahat mga kapatid  na Indigenous People, katunayan ay miyembro ng panel si Datu Antonio Kinoc, isang Blaan at  isa  pang consultant si Timuay Melanio Ulama, mula sa tribung Teduray”.

Samantala, sa panig naman ng government panel ay miyembro si Mayor Timuay Ramon A. Piang Sr, ng Upi, Maguindanao mula sa Tribung Teduray.(HSG DXUP-Teleradyo)

Note: ang article na ito ay na-ipost na sa blog na DXUP.MULTIPLY.COM (dated May 20, 2012) at dahil nagsara na ang Multiply, ay minabuti naming ipost muli sa bago nating  blog: DXUP Teleradyo..(from admin: Alih Anso)