Japan Nag- Turnover ng Training Center para sa Pagpapaunlad ng Kagalingan

Balita ni Alih S.  Anso

BLMI building in Crossing Simuay, Sultan Kudarat

Upi, Maguindanao (June 7)…Naiturnover  ngayong Huwebes  ng bansang Japan sa pamunuan ng Moro Islamic Liberation Front,  ang Bangsamoro Leadership and Management Institute (BLMI) training center na huhubog at magpapaunlad   sa galing ng mamamayan ng Mindanao.

Ang programa ay sinimulan ganap  na alas dos ng hapon na ginanap   sa bagong tapos na gusali na  nagkakahalaga ng mahigit  apat na milyon piso na handog ng Japan.

The Marker of BLMI

Sinimulan ang programa sa pagputol ng ribbon  at sinundan ng  pagbubukas sa marker   ng Ambasador ng Japan  sa Pilipinas, na si His Excellency Toshinao Urabe na ginabayan ng Executive Director ng  Bangsamoro Leadership and Management Institute (BLMI) na si Dr. Tomanda Antok.

Ang BLMI ay katulad din ng Bangsamoro Development Agency (BDA), na bunga ng pag-uusap ng Government of the Philippines (GPH) at ng  Moro Islamic Liberation Front (MILF).

Mohagher Iqbal -Represent the MILF

Ang  BLMI ay nabuo noong ika-14 na Explolatory talks Nobyembre 2007,  sa Kuala Lumpur,  Malaysia,     na ang chairman ng government panel    ay si dating Secretary Rodolfo  Garcia.

Matatandaan na nagbigay din ng suporta ang goberno ng Pilipinas para sa gastusin sa pagpapalakad sa nasabing  training  center ng  BLMI.

Sa panahon ni Garcia ay naghandog ng isang milyon piso ang  goberno ng Pilipinas  at dinagdagan ng limang milyon nitong panahon  ni  Marivic Leonin ang kasalukuyang GPH chief negotiator.

Ang   Asia Foundation, the Development Academy of the Philippines, the Asia Institute of Management, at ang  Non-Violent Peaceforce ay nag-ambag din ng  tulong  sa pamamagitan ng pagsasagawa ng ibat-  training ng kagalingan at pagpapatibay    sa Bangsammro at sa iba pang   katutubo ng Mindanao.

Ang   bagong tapos na gusali ay  nagkakahalga ng mahigit apat na milyon piso ba   pinatayo sa kalahating  ektaryang lupa malapit sa dating provincial capitol ng Maguindanao, na nasa   national  road,  sa Crossing  Simuay,  Sultan  Kudarat, Maguindanao.

Samantala sa acceptance message ni   Mohagher Iqbal, ang chief negotiator ng MILF,  kanyang tinanggap ng buong puso ang handog ng Japan, at nangako na gagamitin ang training center para sa pagpapaunlad ng kagalingan Bangsamoro at ng mga mamamayan na nasasakupan  nito.

Plaque of Recognition for Japan government 

Marami pa ang     kulang sa training center    tulad ng kalsada, bakod, mga facilidad ng center at mga working  staff nito ay pawang volunteer.

Dumalo ang GPH Peace Panel Chairman na si Dean Marvic Leonen, ang kasalukuyang  Malaysian facilitator, na si His Excellency Dato’ Tengku AB’ Ghafar bin Tengku Mohamed, ang mga membro ng International Contact Group (ICG), membro  ng  International Monitoring Team (IMT)  ang representante ng alkalde ng  bayan ng   Sultan Kudarat, mga non-government organization at mga  membro ng media.

Dumalo din  ang lahat ng membro ng MILF at GPH  peace panel at nagkaroon ng exchange of gift bago nagtapos ang programa.

Sa interview ng mga  media  kay Marivic Leonin kanyang sinabi na “soon” o sa  madaling panahon  muling babalik sa Kuala Lumpur ang magkabilang panel para sa pagpapatuloy ng peace talk para sa kalutusan  ng problema ng Bangsamoro.

Note: Ang News na ito ay na-ipost na sa blog na DXUP.MULTIPLY.COM (dated June 7, 2012) at dahil nagsara na ang Multiply, ay minabuti ng Admin. na  ipost muli sa bago nating  blog: http://dxupteleradyo.blogspot.com/..(from admin: Alih Anso)