Babasal, Mura at Masustansiyang Gulay ng Renawon at Teduray?

 (July 17, 2013-Miyerkules-Ang script na ito ay  sinulat ni Alih S.  Anso para sa Usaping Agrikultura, isa sa segment o bahagi ng programang Bantay Bayan (5:00-6:30 umaga-Lunes Sabado) , ang   Host ay si Ms. Lucy Duce)

Babasal (Kalabasa, Squash)

LUCY: Ngayong umaga ang tatalakayin naman ni Kaka Alih ay itong halaman na madaling buhayin at masustansiyang gulay “daw”?  ng mga  Teduray at Renawon..   pakinggan natin ang detalye ng usaping ito, kong bakit?

(PLAY-INTRO-USAPING AGRIKULTURA)

LUCY:   Magandang umaga Kaka Alih, kumusta ang iyong umaga? At ano namang tanim ang ibabahagi mo sa amin ngayong umaga na malamig? 

ALIH:   Hahahaha.. Lucy, ano pa nga ba..  eh di gulay pa rin, subalit!!! ang  gulay na pampapalakas!!! (LAUGHING)

But before anything else my friend, allow me to greet you: Good morning ladies and gentlemen, especially to Young Lady, (LAUGHING)   magandang umaga sa mga kapatid na magsasaka, na taga Kibleg, Kibucay at Mirab,   sa mga kapatid na nanampalataya sa Islam, (ang mga kapatid na Muslim),  asssallamu alaikum warahmatulahi wabarakatuh.

Ngayon ay ika walong araw  ng pag-pupuwasa o pag-aayuno sa buwan ng Ramadan,  ng ating mga kapatid na nanampalataya sa Islam.

LUCY:  Yes Kaka, kaya naman ang aking   pagbati muli ng  "happy Ramadan".

ALIH: Maraming salamat muli Kapatid na Lucy.

Buweno, matandaan ninyo kahapon Kapatid,  tinalakay natin ay  ang   lamang ugat, ang ube kapok..

Ngayon naman ay ang kapatid  o kamag-anak ng Ube kapok.

LUCY: Sino naman ang kamag-anak ni Ube Kapok, Kaka? (LAUGHING)

 KAKA ALIH:  Hahaha.. ha ikaw Lucy, you know na paano magpatawa, ha.. good learning to me.. (LAUGHING)  .. Ok Lucy may I introduced to …ang Babasal. Na tawagin  ng mga Pilipino ay kalabasa,  sa Ingles ay squash or  pumpkin.

Ang Kalabasa o babasal ay isang uri ng malaking gulay na tumutubo na katulad sa baging.   Ito ay gumagapang na halamang baging,  na may malaking bunga na kulay na pinaghalong narangha at dilaw.

Ang kalabasa ay kilalang gulay na mayaman sa bitamina.  Ang mga sustansiyang makukuha sa kalabasa ay ang Bitamina C,  A, K, E, Niacin, Bitamina B1, B2, B6, Pantothenic acid , Folate, Potassium, Phosphorus, Magnesium, Calcium, Sodium, Iron Zinc,

Narito ang ilang angkan ng Babasal este mga uri o variety ng  kalabasa:

Pang tag-araw – White Bush Scallop o Patty Pan, Yellow Bush Scallop o  Golden Custard, Yellow Crookneck, Yellow Straightneck, Casera, Cocozelle, Zuchine.

Pang taglamig – Table Queen, Des Maines, Butter nut, Turban, Marblehead.

 Ang mga uring ito ay makatutubong mabuti sa lupang lagkitin na hindi tinitigilan ng tubig.  Maitatanim mula Abril hanggang Hunyo at mula Setyembre hanggang  Pebrero.

Kong hindi ka nakapagtanim ng babasal o kalabasa narito ang Paraan ng Pagtatanim ng babasal.

1.     Araruhin at suyurin ang bukid na pagtatamnan.

2.     Tuwirang itanim ang 3-4 buto sa butas na tatlong (3) sentimetrong lalim sa bawat tundos na may 1.5 metrong agwat sa hanay ng mga tudling na 1.5 metrong pagitan.

3.     Pagkaraan ng isang linggo pagkatanim, bawasan ang tanim sa bawat tundos, at mag-iwan lamang ng 2 malulusog.

4.     Magpatubig lamang sa katamtamang dami.

5.     Isagawa ang mababaw na pagbubungkal bago kumalat ang mga baging sa lupa, upang mapanatiling buhaghag at mahalumigmig ang lupa at hindi pati makatubo ang mga damo.

6.     Maglagay ng abono at hayaang gumapang sa lupa ang mga baging. Magani habang mura pa ang mga bunga, bago tumigas ang balat.

May kalaban din angf kalabasa ang “Yellow beetle” ang pinakamapaminsalang kulisap sa kalabasa.  Upang mapuksa ito, bombahin ang mga pananim ng Malathion. Kung laganap ang sakit ng kalabasa, maaaring gumamit ng Manzate o Dithane.

Sa pagluluto, abangan na lamang mamaya sa buhay-buhay 8:00-9:00 dahil may preparado si Jeanethe Momek, ka tanim na kayo, este prepare na ang ballpen at papel na para matakenote, ng di makalimutan ang recipe of the day…

Mga kapatid , ano pang hinihintay natin, tanim na tayo ng babasal, dahil ito ay gulay na matibay, matagal masira, at sigoradong may market ka nito..

Pansamantala   ay paused muna tayo sa araw na ito, but Insha Allah bukas sama-sama naman tayo…ito po sng inyong  Kaka Alih Sukran and  wassallam..

LUCY: Iyan si kaka Alih bukas sa ganito ding oras abangan ang mga kapakipakinabang na ibabahagi sa inyo tungkol sa makabago at epektibong pagksasaka..

(PLAY EXTRO)