Linggo, Hulyo 21, 2013

Patola

(July 22, 19, 2013-Sabado - Ang script na ito ay  sinulat ni Alih S.  Anso para sa Usaping Agrikultura, isa sa segment o bahagi ng programang Bantay Bayan (5:00-6:30 umaga-Lunes Sabado) , ang   host ay si Ms. Lucy Duce.)

Patola
LUCY:  Gulay pa rin ang ibabahagi ni  kaka Alih,  subalit sinigorado niya sa iyo Kaibigan na gulay pa rin  na pampalakas, na nagbibigay sigla sa mga magsasaka ang kanyang tatalakayin.
                                   
(PLAY-INTRO-USAPING AGRIKULTURA)

LUCY:   Magandang umaga Kaka Alih, kumusta naman ang iyong umaga?  

ALIH:   Hahahaha.. Lucy, ano pa nga ba..   eh di gulay pa rin  tayo, at steady pa rin pa rin tayo sa   mga gulay na pampapalakas!!! (LAUGHING)
But before anything  else, allow me to greet everybody,     “Good morning, ladies and gentlemen” in Filipino ay… magandang umaga….especially to all   mga kapatid na magsasaka,  at sa mga kapatid na nanampalataya sa Islam, o ang mga kapatid na Muslim,  asssallamu alaikum warahamatulahi wabarakatuh.

Ngayon ay ika labing apat (14)   araw  ng Ramadan, ang buwan  ng pag-pupuwasa o pag-aayuno ng mga kapatid na Muslim,  and because of that ay  Happy Ramadan to all brothers and sisters in Islam.

LUCY:   Ang akin ding   pagbati ng  "happy Ramadan" sa inyo Kaka at sa lahat ng kapatid na Muslim.
ALIH: Maraming salamat muli Kapatid na Lucy.
Buweno tulad ng nasabi natin, pampalakas at pamapalusog na gulay ang ibabahagi ko ngayong umaga, ang patola. Hindi yung kasabihan nila na “anak ng patola”..(LAUGHING) .. Bakit kaya may kasabihan na “anak ng patola” mayroon pa, “pulis patola”… Anong meaning noon kasamang Lucy? ”..(LAUGHING)

LUCY:   Para yatang ang ibig sabihin ay bagito o kulang sa kaalaman.
 
KAKA ALIH:  Hayun wala pang experience kong ganoon ”..(LAUGHING) ..

 OK never that anak ng patola.. ”..(LAUGHING)  dito na tayo sa topic natin ang patola.   patola ay isang uri ng halamang baging o gumagapang na may mga mahahaba at ma-anggulong bunga.  Kahawig ito ng pipino, medyo mahaba nga  lang ang patola kasya pipino,  partikular na yung  English cucumber  ngunit may matigas na balat.   

Sa Iranun ay tinatawag nila itong barimbing.

Anong sustansya ang makukuha sa patola?

Ang bunga ng patola ay nakapagbibigay ng kalsyum, mineral at posporus. Ang patola ay low in calories at ito ay mayaman sa pro-vitamin A, Vitamin C and Beta-Carotene na mahalaga sa paningin, malusog na balat at sa ating tissue.

May dalawang uri ito ng Patolang Kastila at Katutubong patola.  Makatutubo itong mabuti sa lupang lagkit at buhaghag.   

 Maitatanim ang patola  sa buong taon.

Ang Paraan ng Pagtatanim ng patola.

·        Pwedeng itanim sa paso ang patola katulad ito sa upo. Subalit sa  malawakang pagtatanim ay araruhin at suyurin ang bukid nang maraming ulit. Itanim nang tuwiran sa mga tudling ang 4-5 buto sa lalim na 2.5 sentimetro nang may isang metro ang agwat sa mga tudling na isang metrong pagitan.
·        Mainam itong isagawa pagkatapos ng tag-ulan mula Nobyembre hanggang Enero.
·        Maglinang o bungkalin ang paligid ng puno ng tanim upang mabuhaghag  ang lupa at matabunan ang mga ugat.
·        Ang ibang nagtatanim ng patola na sa bakuran lamang ay ginagawaan niia ito ng balag, o akyatan, para madali ang pagpitas sa bunga.
·        Mag-alis ng damo kasabay ng pagbubungkal.
·        Kakailanganin ang 5-6 na kilong binhi para sa isang ektarya. Ang dumi ng hayop at compost ang pinakamurang abono. Gumamit ng 400-500 kilong abono sa bawat ektarya.

Makapag-aani na pagkaraan ng tatlong buwan. Ang ginugulay ay ang bata pa o malambot pa, kong gulang ay di na mainam na lutuin, pagulangin na lamang  para magamit muli ang buto nito.

Ang “leaf beetle” at “fruitfly” ang mapaminsalang kulisap sa patola. Pwedeng mag-sparay ng Sevin o Malathion upang mamatay ang mga kulisap na ito.

Sa pagluluto ng patola ay abangan  sa buhay-buhay  doon tayo magluluto.

Sukran si Kaka Alih po to wassallam..

LUCY: Iyan si kaka Alih bukas sa ganito ding oras abangan ang mga kapakipakinabang na ibabahagi na tiyak naming na pakikinabangan nating lahat.


(PLAY EXTRO)

Walang komento:

Mag-post ng isang Komento