Miyerkules, Hulyo 10, 2013

Maagang Pag-asawa Tinututulan ng Ilang Magulang

Gumaga- Pasawiran Kalilang
(July 11, 2013- Script na sinulat ni Alih Anso para sa programang “Buhay –buhay  ” (8:00-9:00 A.M) sa segment na “Gabay at Talakayang Pampamilya”. Host –Ms Lucy Duce)

Host:   “Hanggat maari ayaw ng mga magulang na ang kanilang mga anak ay mag-asawa ng maaga.  Mayroon namang magulang na sila pa ang nag-aaarange ng maagang pag-aasawa ng kanilang mga anak. Bakit kaya may mga magulang   ayaw na mag-asawa  ng maaga ang kanilang anak?  Iyan ang sasagutin ni  Kaka Ali sa ating segment na

 (PARENTHOOD- INTRO)

Host :  Good morning Kaka. Pabor ka ba  sa maagang pag-aasawa ang iyong anak?

Kaka Ali:  “Ako? Pabor sa maagang pag-aasawa? Kong ako ang ikakasal yes na yes…Nor .(LAUGHING).. pabor o hindi my greeting of peace to all.. Assalamu alaikum warahamatullahi wabarakatuh.. sa lahat ng kapatid na Muslim, Good morning o magandang umaga naman sa lahat.
Alih and Samra wedding
Host:  Kaka repeat ko lang tanong ko, pabor ka? Akala ko experience magulang ka na, please Explain daw para hindi Malabo, ang usapan….(LAUGHING)

Kaka Alih: Mamaya na Lucy kong bakit, ….(LAUGHING)..alam mo Lucy ang issue dito ay magulang. Alam mo Lucy,  ang mga magulang na tulad mo, tulad ko, hanggat maari ayaw natin na ang ating   mga anak ay mag-asawa ng maaga.

Host: Bakit nga ba Kaka Alih? Please  pakipaliwanag  mo sa madlang nakikinig ngayon umaga, bakit  may mga magulang na ayaw nilang mag-asawa ng maaaga ang kanilang mga anak .

Kaka Ali: “Wala  na akong mauutusan” …(LAUGHING)  heto ang sagot ng isang magulang na hindi pinapag-aral ang anak.

Pero heto naman ang sagot ng   isang Nanay na nainterview natin, ang tanong ko ay: Mrs. Payag ka bang mag-asawa ng maaga ang iyong anak? Ang sagot niya ay: “Payag akong makapag-asawa ang mga anak ko, provided    makatapos na sila sa pag-aaral”.

Tama! Aral muna bago magpamilya.. Bakit?...Dahil bilang mga magulang alam natin ang hirap at sakripisyo ng pagpapamilya at pagkakaroon ng mga anak. 

Alam ng mga magulang na ito o sadyang naranasan nila   ang bunga ng maagang pag-aasawa.  Ikaw kaibigan pabor ka ba  sa maagang pag-aasawa?

Mamaya muna sagutin, makinig na lang muna sa amin.. ….(LAUGHING)
Balikan ko lang ang tanong mo Lucy, ang tanong  ay kong pabor ba daw akong mag-asawa ng maaga. Ang sagot ko ay YES pabor ako…. kong ako ang ikakasal. …(LAUGHING).. Ang problema, pwede pa ba akong bumalik sa pagkabata? ….(LAUGHING)

Ang sarap yata  noon ….(LAUGHING) ayaw mo ba ng masarap?  ….(LAUGHING)  Halos lahat gusto ng masarap pero ako ay naniniwala na walang gusto ng hirap, alam ko din na ang gusto natin ay pawAng ligaya at sarap. …(LAUGHING).. Nakalimutan na natin ang kasabihang na “Konting ligaya, sa habang buhay na pagdurusa”...(LAUGHING)


Alam mo Lucy,  ang ating mga kabataan sa ngayon ay iilan lamang  ang  nakakaalam sa tunay na  layunin kong bakit tayo  nag-aasawa.

HOST:  Tama ka diyan Kaka Alih, iyan din ang  aking paniniwala
.
ALIH:  Mga anak,  makinig kayo, ang sabi ni Father: “…ang pag-aasawa ay sagrado, hindi bahay-bahayan.”

Karamihan sa mga murang edad tulad ko noon, limampung taon na ang nakakaaraan, …(LAUGHING) ay sex lamang ang unang hangad kong bakit nag-asawa ng maaga, hindi ang pagpapamilya. …(LAUGHING)

No joke Lucy, karamihan sa mga kabataan ay mahina ang “resistansya” sa paglaban sa udyok ng tawag ng kalikasan o yaong tinatawag nilang “sex”. Ang iniisip nila ay ang dulot na sandaling ligaya, hindi pa halos  malirip sa murang isipan  ang maaring idudulot ng maagang pag-aasawa o bata pa ay hirap at pagdurusa habang buhay..

Host:   Bakit Kaka Ali ano ba ang negatibong epekto ng maaga o bata pa ay nag-aasawa na?
Abdullah Sumael-Sittie Raysa Anso Kalilang

Kaka Alih:  Negatibo? Akala ko ang gusto mong malaman ay ang positive effect. (LAUGHING)..
Noon kasi may mga magulang na maaga nilang pag-aasawahin ang anak, para daw may apo na sila …(LAUGHING).. sabi nila: bago man ako bawian ng buhay, makita ko ang apo ko, kaya anak mag-asawa ka na. …(LAUGHING)..

Buweno heto na ang research ni Kaka Ali,  sa bunga o epekto  ng maaagang pag-aasawa o bata pa ay nagkakapamilya  na.

Una, pag bata pa ang babae ay nag-asawa na at natural magbubuntis at pag nagbuntis, siyempre manganganak, Maalaala ang sinabi na maam Jackie Gamit, “dahil dito maaring hindi pa kayanin ng kanyang kalusugan ang dulot ng panganganak lalo pa at maraming dugo ang mawawala sa kanya, at maari niya itong ikamatay, o di man ikamatay ay manghihina na ang kanyang katawan, na sanhi na madali siyang kapitan ng sakit.”.. O ano gusto mong mabalo ng bata pa?

Pangalawa na nalaman ko, pag bata pa pareho ang mag-asawa, madalas ang kanilang pag-aaway at pagtatalo dahil na rin sa kanilang ugaling bata pa, akala kasi ni babae at ni lalaki  ay bahay-bahayan lang. 

Ting /Adi !!may kasabihan tayo na ang pag-aasawa ay hindi kanin na isusubo na pag ikaw ay napaso ay pwede mong iluwa. …(LAUGHING)

Heto pa ang negatibong epekto ng maagang pag-aasawa. Magiging kawawa ang mga magulang, ng mga anak na maagang nag-aasawa,  dahil natural na sa kanila pa rin pipisan o makikitira ang mag-asawa dahil kapuwa, walang pang hanap-buhay.

Kaya naman Ting, Bai, Awi, Adi, Inday, Dong, maawa ka kay nanay at tatay, magtapos ka muna ng pag-aaral bago mag-asawa.

Kung mag-kakaanak agad, (Ay ano?.. di lang masisira ang figure oy) Hirap ang daranasin.mo Day!  Ikaw na ang mag-lalaba, ikaw na ang magluluto, ikaw na ang maghahanap ng inyong kabuhayan, lahat-lahat kayo na dahil isang pamilya na kayo at  hindi lang kayo  ang mahihirapan kundi pati mga anak ninyo, wala silang kakainin. Papaano sila mag-aaral?. Hindi maibigay ang pangangailangan ng mga bata dahil hirap sa buhay.

Sabagay Lucy, sa kabilang banda, may maganda rin namang bunga ang maagang pag-aasawa,  dahil parang makakasabayan lang nila ang paglaki ng kanilang anak, para ka na rin may kapatid, na bunso …(LAUGHING)
Bweno hanggang dito na lamang ang  talakayan at mag-aasawa na ako .. …(LAUGHING) ano ba ito, nagkamali-mali na tayo.. mga kapatid bago natin wakasan ang segment na ito ay   mag-iiwan muna ako ng mensahe sa mga magulang na tulad ko:

“Mga kapatid na magulang huwag pabayaan ang inyong mga anak, ilayo sila sa tukso, sa tawag ng laman, gabayan sila ng tamang landas, ituro sa kanila ang tamang sex education, iparamdam sa kanila ang tunay na pagmamahal ng magulang. Bigyan ng inyong panahon ang inyong mga anak, hindi yaong pawang trabaho lamang.”

Sukran o maraming salamat, kapatid sa konting oras na ibinahagi mo sa pakikinig sa ating programang buhay-buhay,  wasallamu alaikum warahmatullahi wabarakatuh.

Host: Maraming  salamat Kaka Alih, sa very informative at nakakaaliw na presentation na yan, Kapatid abangan ang susunod na segment, ng ating   Gabay at Talakayang Pampamilya..

(PLAY-EXTRO;Gabay at Talakayang Pampamilya)

Walang komento:

Mag-post ng isang Komento